Mickoski thirrje komunitetit maqedonas në Shqipëri të votojnë LSI-në

Një thirrje ka ardhur nga kreu i VMRO-DPMNE-së, Hristijan Mickoski, për komunitetin maqedonas në Shqipëri. Përmes një postimi në Facebook, Mickoski, ka treguar preferencën ë ka për LSI, duke u kërkuar komunitetit maqedonas që të votojnë LSI-në.

“Vëllezër dhe motra maqedonas, në këto zgjedhje, partia LSI e Monika Kryemadhit për njësinë zgjedhore në rajonin e Korçës në listën për deputetë e ka Pandi Janin nga Pusteci. Jam I bindur se Pandi Jani, I cili është një politikan I ri dhe perspektiv, më së miri do t`I përfaqësojë interesat e maqedonasve në Shqipëri. Pandi Jani është një zgjedhje e shkëlqyeshme për të gjithë maqedonasit, për shkak se LSI-ja me programin e saj por edhe me veprat që I kanë treguar në të kaluarën për komunitetin maqedonas, janë zgjedhja më e mirë.

LSI-ja dhe krerët e saj gjithmonë janë angazhuar për maqedonasit, për këtë shkak u bëj thirrje që në këto zgjedhje të votojnë për LSI-në në njësinë zgjedhore në Korçë! Për një ardhmëri më të mirë dhe bashkëpunim të frytshëm mes Maqedonisë dhe Shqipërisë”, shkruan ai.