Konfirmohet dyshja, kush janë opinionistët që do të komentojnë dinamikat e "Big Brother VIP Kosova 5"

Formati i njohur televiziv “Big Brother VIP Kosova” ka nisur përgatitjet intensive për edicionin e pestë, duke zbuluar emrat e parë që do të ulen në karrigen e opinionistëve. Gazetari dhe moderatori Resul Sinani do të jetë pjesë e këtij sezoni në rolin e komentatorit të ngjarjeve brenda shtëpisë.

Krah tij, në të njëjtin rol, do të jetë aktorja dhe moderatorja e njohur Rudina Dembacaj. Dyshja pritet të analizojë dinamikat e krijuara mes banorëve, të komentojë sjelljet e tyre dhe të japë opinionet rreth situatave që do të shoqërojnë këtë edicion të spektaklit.

Ky ndryshim në panelin e opinionistëve synon t'i japë një qasje më dinamike dhe argëtuese diskutimeve rreth banorëve të rinj që do të bëhen pjesë e garës për çmimin e madh.