Koha e të vërtetës për Xhakën, do merret në pyetje nga prokuroria

Pas disa ditësh larg futbollit dhe angazhimeve profesionale, Granit Xhaka pritet të rikthehet në qendër të vëmendjes për një çështje që ka bërë bujë të madhe.

Kapiteni i Zvicrës, aktualisht pjesë e Sunderlandit, pritet të paraqitet gjatë kësaj jave në Lucern, ku do të merret në pyetje nga Prokuroria Publike në kuadër të hetimeve lidhur me rastin e certifikatës së vaksinimit kundër COVID-19.

Sipas asaj që shkruajnë mediat, nuk kemi ende një datë zyrtare. Kujtojmë që Xhaka u pezullua nga kombëtarja zvicerane deri në sqarimin e çështjes.