“Ka një bombë brenda” – Alarm në Gjirokastër, e-maili kërcënues mbërrin në adresë të gjykatës

Në godinën e Gjykatës së Shkallës së Parë në Gjirokastër paraditen e sotme është regjistruar një alarm për vendosje eksplozivi.

Një email mbërritur në adresën elektronike të kësaj gjykate bënte fjalë për vendosjen e një bombe në godinë.

Në godinë kanë mbërritur forca të shumta policie duke bërë evakuimin e personelit ndërsa janë ushtruar kontrolle nga njësia antieksploziv. Nga kontrollet rezultoi se alarmi ishte fals.

Në të njëjtën godinë ushtron aktivitetin edhe Prokuroria e Gjirokastrës. Organet e hetimit po punojnë për identifikimin e dërguesve të emailit.