Haga hap kapitullin e apelit për Thaçin dhe të tjerët, caktohen gjyqtarët për ish-krerët e UÇK-së

Kryetarja e Dhomave të Specializuara të Kosovës, Ekaterina Trendafilova, ka caktuar Panelin e Gjykatës së Apelit që do të shqyrtojë kërkesën e përbashkët të mbrojtjes së Hashim Thaçit, Kadri Veselit, Rexhep Selimit dhe Jakup Krasniqit për zgjatjen e afatit për paraqitjen e njoftimit për ankesë ndaj aktgjykimit të shkallës së parë.

Sipas vendimit të publikuar nga Dhomat e Specializuara, Paneli i Apelit përbëhet nga gjyqtarët Michele Picard, Kai Ambos dhe Nina Jorgensen, raporton Klan Kosova.

Paneli është ngarkuar të vendosë për kërkesën e mbrojtjes, si dhe për çdo parashtresë tjetër të palëve që lidhet me njoftimin e ankesës kundër aktgjykimit të çështjes Thaçi dhe të tjerët.