Pas tre muajsh në koma, shuhet në moshë të re boksieri i njohur

Bota

Pas tre muajsh në koma, shuhet në moshë të re boksieri i
Bota e boksit është përmbytur me homazhe pas ndarjes tragjike nga jeta të boksierit irlandez Lee Reeves, pasi ylli qëndroi në koma për tre muaj.

I njohur me nofkën 'El Champo', boksieri pësoi lëndime gjatë një ndeshjeje në 3Arena të Dublinit dhe ishte shtruar në spital që kur u nxor nga ringu atë mbrëmje.

Reeves po luftonte me Gary Cully për titullin vakant të BUI Celtic në kategorinë e lehtë-welter më 1 gusht, por u rrëzua në raundin e 10-të në 3Arena.

Boksieri nga Limericku u nxor nga ringu me barelë pas ndeshjes dhe u shtrua në spital në një gjendje kritike, por të qëndrueshme. Ai iu nënshtrua një ndërhyrjeje kirurgjikale dhe që atëherë ndodhej në koma të shkaktuar nga mjekësia.

"Mirupafshim bir, fle i qetë, luftove kaq shumë deri në fund. Të duam shumë, pusho në paqe me mamin dhe vëllain tënd që presin te portat e qiellit. Kujdesu për motrat dhe babanë tënd, jepu atyre forcën për ta përballuar këtë. Të duam Lee", shkruan miku dhe trajneri i Reeves, O'Brie.

Lee Reeves
Reeves, i cili kishte nofkën "El Champo", u bë profesionist në vitin 2018 dhe fitoi 16 nga 18 ndeshjet e tij në radhët e boksit.

Ai e kaloi një pjesë të madhe të karrierës së tij të hershme profesionale duke luftuar në Kanada dhe Kolumbi, dhe performancat mbresëlënëse në të gjithë Mbretërinë e Bashkuar dhe Irlandën e çuan atë të përballej me Cully në Dublin në gusht.

Jashtë boksit, Reeves , i cili humbi nënën e tij, Cathy, nga vetëvrasja  ishte ambasador i grupit të Parandalimit të Vetëvrasjeve të Traktatit të Limerickut.
Pas tre muajsh në koma, shuhet në moshë të re boksieri i

ME TE LEXUARAT

NA SHKRUAJ

Portali Lajmifundit sjell Lajme nga Shqipëria, rajoni dhe bota në kohë rekord. Ju lutemi na kontaktoni nëse doni të kontribuoni me informacione të vlefshme për publikim në portalin tonë.

Kliko për më shumë informacion