Devijohet fluturimi nga Londra me 181 persona në bord, alarmi për bombë detyron uljen emergjente dhe mbylljen e aeroportit

Një alarm për bombë në bordin e një avioni të kompanisë ajrore LOT Polish Airlines ka shkaktuar një situatë emergjente në Poloni, këtë të martë.

Avioni Boeing 737 MAX 8, i cili ishte nisur nga aeroporti Heathrow i Londrës drejt Varshavës, u detyrua të kryente një ulje emergjente në aeroportin Warsaw Modlin, pas informacioneve për praninë e mundshme të një pajisjeje shpërthyese në bord.

Në avion ndodheshin 181 persona, mes tyre pasagjerë dhe anëtarë të ekuipazhit. Sipas raportimeve, avioni u ul në mënyrë të sigurt dhe u zhvendos në një zonë të posaçme të aeroportit, ku nisi kontrolli nga autoritetet e sigurisë.