Zegjine Çaushi, hyn në fushë me pallto: Gati “Rrufeja”

Infrastruktura sportive në qytetin e Roskovecit po merr një formë të re. Janë duke avancuar punimet për ndërtimin dhe rijetësimin e fushës së sportit në këtë qytet, një projekt ky që po jetësohet falë bashkëpunimit mes Bashkisë Roskovec dhe Federatës Shqiptare të Futbollit (FSHF). 

Lajmin e ka bërë të ditur deputetja e zonës, Zegjine Çaushi, e cila përmes një postimi në rrjetet sociale ka ndarë pamje nga ky investim i rëndësishëm për komunitetin dhe rininë.

Mbështetje për ekipin e futbollit "Rrufeja"

Sipas deputetes, ky projekt do të sigurojë kushte më të mira për sportin dhe do të shërbejë si një mbështetje e madhe për ringritjen e ekipit vendas të futbollit, "Rrufeja"

Fusha e re synon t'u sigurojë sportistëve kushte bashkëkohore stërvitjeje, duke nxitur njëherësh pasionin për sportin dhe duke i rikthyer qytetit traditën e dikurshme futbollistike.