Çmimet e banesave frenojnë rritjen, BSH: Në pjesën e parë të vitit u shtrenjtuan me 10 përqind

Çmimet e shitjes së banesave në vend janë ngadalësuar në pjesën e parë të vitit. Të dhënat zyrtare të Bankës së Shqipërisë theksojnë se indeksi i çmimeve u rrit me 10%  nga mbi 41% që u shtrenjtua një  vit më parë

Edhe në kryeqytet rezulton se niveli i rritjes është  i njëjtë .

Nga të dhënat vërehet se ka pasur interes të shtuar nga të huajt për blerje apartamentesh në Shqipëri.

Gjatë gjashtëmujorit të parë të viti 2026, rreth 20% të banesave të shitura janë raportuar të blera nga shtetas jorezidentë. Nga këta, rreth 85% rezultojnë shtetas të vendeve të BE-së. Në tërësi, pesha e transaksioneve në të cilat blerësit janë jorezidentë ka shfaqur një prirje në rritje gjatë 5 vjetëve të fundit

Blerja e banesave po realizohet kryesisht  me anë të kredive .Sektori bankar ka vijuar të mbështesë me financim kërkesat për blerjen e pasurive të paluajtshme rezidenciale nga individët dhe bizneset. Kredia për blerje banese ishte 260 miliardë lekë, duke u rritur  me 12.5% kundrejt një viti më parë. Kushtet dhe termat e kreditimit të bankave për blerjen e banesave u raportuan të pandryshuara.

Po ashtu sipas Bankës qendrore edhe koha mesatare e shitjes së apartamenteve  u rrit në 9.7 nga 8.1 muaj që ishte një vit më parë.

Ndërsa koha e shitjes në zonat  bregdet u ul .

Po ashtu interes të shtuar ka pasur edhe për ambientet me qira kryesisht në Tiranë. Në raport theksohet se  kërkesa e përgjithshme për marrje me qira raportohet më e lartë nga kërkesa gjatë gjashtëmujorit të mëparshëm.