Shpërthejnë protestat në Rusi, mbi 1700 persona të arrestuar

Më shumë se 1700 protestues në Rusi përfunduan në pranga pas protestave masive që kanë shpërthyer në mbarë vendin për lirimin e liderit të burgosur të opozitës, Aleksei Navalny.

Tubimi më i madh u zhvillua në Moskës ku mijëra vetë iu drejtuan qendrës së qytetit, e ku disa persona u arrestuan që përpara se të niste mirë protesta. Mes tyre, kishte dhe bashkëpunëtorë të Navalnyt, gjendja shëndetësore e të cilit është përkeqësuar aq sa mjekët thonë se jeta e kryeopozitarit rus, është në rrezik.

Protestat mbarëkombëtare u mbajtën vetëm disa ditë pasi autoritetet ruse filluan procedurat për të mbyllur e Fondacionit Kundër Korrupsionit të Navalny (FBK), me pretendimin se ajo është një organizatë “ekstremiste”.Për shumë vite, FBK e Navalnyt e ka tronditur Kremlinin me hetimet e saj për pasurinë e pashpjegueshme të zyrtarëve të lartë, përfshirë atë të presidentit rus, Vladimir Putin.

Organizata Human Rights Watch dënoi goditjen ndaj protestuesve, duke e quajtur krejtësisht të pajustifikuar”. Është e paqartë nëse demonstratat ishin të po atyre përmasave dhe intensiteti sikurse protestat mbarëkombëtare që shpërthyen në janar pas arrestimit të zotit Navalni, kundërshtari kryesor i Presidentit Vladimir Putin.