Shkon në 800 numri i viktimave në Mianmar, vriten në mënyrë të mistershme dy zyrtarë të lartë

Mianmar vijon të jetë në luftë, teksa numri i viktimave shtohet në çdo ditë. Autoritetet zyrtare kanë bërë me dije se që nga nisja e protestave në shkurt, kanë ndërruar jetën 800 persona, shumica nga të shtënat me armë ushtarake. Viktima mësohet se kanë mbetur edhe dy zyrtarëve nga Lidhja Kombëtare e Demokracisë – partia e udhëhequr nga Aung San Suu Kyi – kanë hedhur dyshime edhe më të zymta për veprimet e ushtrisë. Ata janë vrarë në paraburgim.

Të shtunën, 6 mars, qytetet anembanë Mianmarit ishin në protestë. Tre ditë më parë ata kishin provuar atë që atëherë ishte dita më e dhunshme që nga grushti i shtetit në shkurt – teksa u vranë 38 persona në demonstrate.

Ushtria kishte marrë pushtetin në 1 shkurt, pasi pretendoi, pa prova, se zgjedhjet e mëparshme që panë NLD-në të fitonte pushtetin ishin mashtruese. Suu Kyi dhe udhëheqësit e lartë u vunë në arrest shtëpiak, duke shkaktuar valë proteste kundër ushtrisë. Për tre javët e para ushtria ishte dukur e pasigurt se si t’i përgjigjej protestave.

Por në fund të shkurtit ata po përdornin nivele në rritje të forcës vdekjeprurëse. Në javën e parë të marsit, ishte e qartë se nuk do të kishte asnjë kufizim. Lagjja historike në qendër të qytetit të Pabedan në Yangonin qendror, me rrugicat e saj të ngushta midis ndërtesave koloniale të shkatërruara, kishte parë mjaft dramë. Atë javë, aktivistët kishin ndërtuar barrikada në disa rrugë për të mbajtur larg forcat e sigurisë dhe kishte pasur disa përplasje.

Pabedan ka një popullsi të larmishme, me një numër të madh të banorëve myslimanë dhe me tetë xhami në vend. Në zgjedhjet e përgjithshme të vitit të kaluar, Sithu Maung, një prej vetëm dy kandidatëve myslimanë të paraqitur nga NLD fitoi vendin në parlament. Menaxheri i fushatës së tij ishte Khin Maung Latt, një aktivist veteran i NLD-së, i cili ishte zhvendosur në Pabedan shumë vite më parë dhe jetoi me familjen e një avokati budist./BW