Shkencëtarët këshillojnë "varrosjen" e të brendshmeve, arsyeja do t'ju befasojë

Bota

Shkencëtarët këshillojnë "varrosjen" e të

Në të gjithë Zvicrën, fermerët dhe pronarët e kopshteve do të ‘varrosin’ 2,000 palë të brendshme të bardha si pjesë e një studimi shkencor mbi cilësinë e tokës.

Instituti Shtetëror i Kërkimeve Agroscope do tu dërgojë dy palë brekë pambuku vullnetarëve që marrin pjesë në kërkim dhe detyra e tyre është t’i ‘varrosin’ në tokë në kopshtin e tyre ose në fermë.

Pas një kohe të caktuar, ato do të gërmohen dhe do të shqyrtohen në çfarë gjendje janë, gjë që do të jetë një tregues i shkallës në të cilën organizmat e vegjël kanë dekompozuar tekstilet.

“Do të jetë një tregues i cilësisë së tokës”, tha menaxheri i projektit Marcel van der Heijden.

Ekologu gjithashtu i zbuloi dpa-së se ata kishin kryer tashmë eksperimente të ngjashme në Kanada, por jo aq gjerë. Dihet prej kohësh që qeset e çajit janë ‘varrosur’ në tokë si pjesë e studimit të cilësisë së tokës.

Vullnetarët që iu përgjigjën thirrjes së Agroscope për krahasim do të ‘varrosin’ gjithashtu qese çaji në tokë.

Zbërthimi i fibrave natyrore më pas do të analizohet me një metodë digjitale. Sa më shumë vrima të gjenden në të brendshme, ​​aq më e shëndetshme është toka.

ME TE LEXUARAT

NA SHKRUAJ

Portali Lajmifundit sjell Lajme nga Shqipëria, rajoni dhe bota në kohë rekord. Ju lutemi na kontaktoni nëse doni të kontribuoni me informacione të vlefshme për publikim në portalin tonë.

Kliko për më shumë informacion