Sulmohen ushtarët amerikanë në Irak, shpërthejnë 3 raketa pranë bazës së tyre

Trupat ushtarake amerikane në Irak janë sulmuar sërish. Mediat e huaja shkruajnë se natës së shkuar janë dëgjuar 3 shpërthime, duke u bërë kështu sulmi i dytë brenda pak ditësh. Ngjarja ka ndodhur sërish pranë një baze ushtarake në Bagdad, që strehon një numër të madh ushtarësh amerikanë.

Sipas mediave vendase, shpërthimet kishin synim të godisnin trupat e koalicionit kundër Shtetit Islamik. Shtetet e Bashkuara, nga ana e tyre akuzojnë milicitë lokale shiite filo-iraniane për këto ngjarje.