Gabimi që i kushtoi rëndë Izraelit, forcat e Mbrojtjes publikojnë bazat sekrete të tyre

IDF ka publikuar një hartë të objekteve të testimit të koronavirusit në të gjithë vendin, e cila përfshinte  bazat e Forcave të Mbrojtjes së Izraelit.

Mediat e huaja shkruajnë se kjo jo vetëm që siguroi vendndodhjet e bazave të IDF, por zbuloi bazat sekrete të fshehta ushtarake dhe të forcave ajrore. Harta u krijua në bashkëpunim me Ministrinë e Shëndetësisë dhe u vu në dispozicion të qytetarëve izraelitë,  deri në momentin që u hoq pas njoftimit të ushtrisë për gabimin.

IDF zakonisht nuk publikon vendndodhjet e bazave të saj për arsye se  mund të shënjestrohen nga sulmet me raketa, vuri në dukje Haaretz . Përveç kësaj, detajet e bazave sekrete mund të krijojnë shqetësime operacionale të sigurisë për ushtarët në bazë, pasi informacionet shtesë mund të përdoren nga shërbimet e huaja të inteligjencës.

Kjo nuk është hera e parë që ka ndodhur diçka e tillë. Jerusalem Post  më parë raportoi për dy raste të tilla. Në vitin 2012,  Hezbollah përdori një dron për të filmuar vendet e raketave balistike të IDF, fushat ajrore dhe stërvitjet ushtarake përpara se të përgjoheshin nga një avion luftarak IAF F-16I.

Në vitin 2016 ushtria ndaloi aplikacionin Pokemon Go. Kishte shqetësime se ushtarët që përdorin aplikacionin do të kishin akses të vendndodhjeve ose që një aplikacion i ngjashëm mund të krijohej dhe të përdorej për të mashtruar ushtarët.

IDF ka punuar në bashkëpunim të ngushtë me Ministrinë e Shëndetësisë dhe organe të tjera civile për të ndërtuar  rrjete për testimin dhe vaksinimin për të luftuar pandeminë e koronavirusit. Kjo shpjegon faktin pse personeli jo-ushtarak ishte i përfshirë në botimin e një harte të koronavirusit.