7 vite burg ish-shefin e Operacionales, Oltion Bistrin, akuzohet për tre vepra penale

Gjykata e Posaçme e Apelit ka ndryshuar vendimin e Shkallës së Parë për ish-shefin e Operacionales, Oltion Bistrin, duke e dënuar përfundimisht me 7 vite heqje lirie.

Trupa gjykuese e Apelit, e përbërë nga relatori Dhimitër Lara dhe anëtarët Daniela Shirka dhe Engert Pëllumbi, ka vendosur të prishë vendimin e mëparshëm dhe ta shpallë Bistrin fajtor edhe për veprat penale të pastrimit të parave dhe korrupsionit pasiv.

Me këtë vendim, Apeli ka ndryshuar qëndrimin e mbajtur nga Gjykata e Shkallës së Parë, duke e dënuar ish-zyrtarin e lartë të Policisë së Shtetit për një numër më të madh veprash penale.

Oltion Bistri, i cili ka mbajtur detyrën e shefit të Operacionales, është përballur me hetime dhe procedim penal nga organet e drejtësisë, ndërsa çështja e tij është shqyrtuar në të dyja shkallët e gjykimit.

Vendimi i Gjykatës së Posaçme të Apelit përcakton dënimin përfundimtar me 7 vite burg për ish-zyrtarin policor.