Çfarë po ndodh? Sulmet ruse në Kiev, Polonia ngre në qiell avionët luftarakë

Avionë ushtarakë kanë nisur patrullimet në qiellin e Polonisë pas sulmeve të fundit me raketa ruse në Ukrainë, të cilat shkaktuan të paktën 17 viktima në Kiev e dhjetëra të lënduar.

Lajmi është bërë i ditur nga vetë Forcat e Armatosura të Polonisë se “Aktualisht është duke u zhvilluar një aktivitet intensiv i aviacionit rus i cili po ndërmerr sulme me raketa nga avionët Tu-95, Tu-22 dhe Mig-31 kundër objekteve të vendosura në territorin e Ukrainës”, thotë Komanda Operative e Forcave të Armatosura.

Ushtria polake shton se "janë nisur të gjitha procedurat e nevojshme për të garantuar sigurinë e hapësirës ajrore polake" teksa "situata monitorohet vazhdimisht".