Evakuohen turistët nga Bodrumi në Turqi, zjarri rrezikon 2 hotele

Bota

Evakuohen turistët nga Bodrumi në Turqi, zjarri rrezikon 2 hotele

Temperaturat e larta prej ditësh në Ballkan kanë sjellë situata zjarresh në shumë vende të rajonit.

Turqia është një tjetër vend që po përballet me flakët e zjarrit. Mediat e huaja bëjnë me dije se vatra të shumta zjarri janë aktivizuar në zonën e Bodrum në Turqi ku era ka përhapur me ritme të shpejta flakët duke rrezikuar dhe zonat e banuara.

Sipas mediave zjarri ka shkuar te kopshtet e dy hoteleve me 5 yje në Bodrum, dhe rrezikon që ata të shkrumbohen. Pas kërcënimit nga zjarri, turistët u evakuan nga hotelet. Në vendngjarje janë 6 makina zjarrfikëse, 40 punëtorë, të cilët po ndihmohen edhe nga banorët e zonës.

Gjithashtu vatra të shumta zjarri ka edhe në zonën e Antalias, ku vetëm ditën e djeshme ishin shkrumbuar katër shtëpi, lënduar 3 persona dhe evakuuar 2 lagje.

ME TE LEXUARAT

NA SHKRUAJ

Portali Lajmifundit sjell Lajme nga Shqipëria, rajoni dhe bota në kohë rekord. Ju lutemi na kontaktoni nëse doni të kontribuoni me informacione të vlefshme për publikim në portalin tonë.

Kliko për më shumë informacion