Ekzekutimi mafioz i gazetarit, presidentja KE-së: Vrasja e George, një akt i neveritshëm

Bota

Ekzekutimi mafioz i gazetarit, presidentja KE-së: Vrasja e George, një

“Vrasja e një gazetari është një akt i neveritshëm, frikacak”, kështu është shprehur Presidentja e Komisionit Europian, Ursula von der Leyen, në reagimin e saj për ekzekutimin e gazetarit grek, George Karaivaz.

“Evropa qëndron për liri. Dhe liria e shtypit është mbase më e shenjta nga të gjitha. Gazetarët duhet të jenë në gjendje të punojnë të sigurt”, shkroi Ursula von der Leyen, duke shtuar se “mendimet e mia janë me familjen e George Karaivaz. Shpresoj se kriminelët do të sillen para drejtësisë së shpejti.”

Presidenti i Parlamentit Evropian po kërkon sqarime nëse vrasja e gazetarit George Karaivaz ka lidhje me punën e tij. Konkretisht, David Sassoli shprehet:

 “I tronditur nga lajmi i vrasjes së gazetarit grek George Karaivaz. Hetimet duhet të sqarojnë urgjentisht nëse vrasja ka lidhje me punën e tij. Ngushëllimet tona më të ngrohta për familjen dhe miqtë e tij. “

Nënkryetari i Komisionit dhe Komisioneri për Vlerat dhe Transparencën, Viera Jurova, kërkon drejtësi për vrasjen e George Karaivaz.

“Jam thellësisht i tronditur nga raportet se gazetari George Karaivaz u qëllua në Athinë. Mendimet e mia janë me familjen dhe kolegët e tij. Drejtësia duhet të bëhet dhe siguria e gazetarëve duhet të garantohet.”

Më herët, zëdhënësja e qeverisë, Aristotel Peloni bëri një deklaratë në lidhje me vrasjen me gjakftohtësi të gazetarit.

Deklarata e zonjës Peloni është si vijon: “Vrasja e gazetarit George Karaivaz na tronditi të gjithëve. Autoritetet tashmë po hetojnë çështjen në mënyrë që të arrestojnë autorët dhe t’i sjellin ata para drejtësisë. Ne i shprehim ngushëllimet tona të sinqerta familjes së tij”.

ME TE LEXUARAT

NA SHKRUAJ

Portali Lajmifundit sjell Lajme nga Shqipëria, rajoni dhe bota në kohë rekord. Ju lutemi na kontaktoni nëse doni të kontribuoni me informacione të vlefshme për publikim në portalin tonë.

Kliko për më shumë informacion