Viktima më e re pas grushtit të shtetit në Mianmar, forcat e sigurisë vrasin një vajzë 7-vjeçare

Një vajzë shtatëvjeçare është qëlluar për vdekje nga forcat e sigurisë në Mianmar, duke u bërë viktima më e re e njohur në shtypjen pas grusht shtetit ushtarak në vend.

Sipas BBC, anëtarët e familjes thanë se vajza u vra në shtëpinë e saj në qytetin e Mandalay.

Myanmar është përfshirë nga protestat që kur ushtria mori kontrollin në vend më 1 shkurt.

Grupi i të drejtave, ‘Save the Children’, thotë se më shumë se 20 fëmijë janë në mesin e disa njerëzve që janë vrarë.

Në total, ushtria thotë se 164 njerëz janë vrarë në protesta, derisa grupi aktivist i Shoqatës së Ndihmës për të Burgosurit Politikë (AAPP) thotë se numri i viktimave është të paktën 261.