"BE dhe SHBA, na ndihmoni ta heqim këtë qeveri të ndyrë"/ Profesori Lush Susaj: Fermerë, studentë, dilini për zot vendit!

Profesori Lush Susaj, në fjalën e mbajtur në protestën e 121-të kundër qeverisë, u ka bërë thirrje fermerëve dhe studentëve që t’i bashkohen tubimit, ndërsa ka lëshuar akuza të forta ndaj qeverisë së kryeministrit Edi Rama.

Susaj e cilësoi protestën si një qëndresë kundër korrupsionit dhe përçarjes së shqiptarëve, ndërsa kritikoi qytetarët që, sipas tij, qëndrojnë indiferentë përballë situatës në vend.

Ai iu drejtua më pas fermerëve, duke i cilësuar ata si një prej kategorive më të goditura dhe duke ngritur shqetësimin për subvencionet dhe kostot e prodhimit.

Profesori iu drejtua gjithashtu studentëve, duke kritikuar politikat e qeverisë për arsimin e lartë dhe duke iu referuar edhe Paktit për Universitetin.Në fund, Susaj deklaroi se qeveria që erdhi në pushtet në vitin 2013 nuk i ka përmbushur premtimet e saj, ndërsa ngriti shqetësimin për rënien e numrit të studentëve.

Profesori Lush Susaj: 121 ditë qëndresë kundër qeverisë së korrupsionit dhe përçarjes së shqiptarëve. Kjo është protestë e faqes së bardhë. Të qenit këtu është vlerë, por qëndrimi në kafja është pozicion mjeran për çdo shqiptar që i lëpihet e bën fresk qeverisë.

Thirrje fermerëve bashkojuni protestës se jeni më të shtypurit. Përballeni me monopolet për plehrat kimike dhe jo vetëm. 9 muaj nuk keni marrë asnjë subvencion. Vendet e rajon it nga marsi kanë marrë e vijojnë të marrin subvencione që ua lehtësojnë Kontron e prodhimit. Këtu nis paba`r`azia e madhe e krijuar nga kjo qeveri hajdute.

Studentë, ju jeni dhimbja më e madhe. Shqipëria ka nxënës e student që do t’i dalin për zot. U mashtruat me paktin për Universitetin,, ajo ju solli vetëm një abone që nuk ua njeh kush.

Kjo qeverisje që premtoi mrekulli në 2013 nuk bëri asgjë. 58 studentë më pak sot se në 20134, asnjë luftë nuk e ka rrudhur kaq jetën studentore.

Kam një thirrje për ambasadorët e BE dhe SHBA:

Na ndihmoni ta heqim këtë diktaturë të ndryrë anti-shqiptare, anti-amerikane, anti-Europiane.