Vrau gruan me sëpatë dhe më pas u vetëvar, 56-vjeçari ishte në depresion dhe përdorues alkooli

56-vjeçari Qemal Bici masakroi me sëpatë bashkëshorten e tij, 53-vjeçaren Menturie Bici, dhe më pas u var në një pemë pranë banesës.

Autori krimit ishte një tip konfliktual dhe kohët e fundit vuante nga depresioni, ndërsa ishte dhe përdorues i alkoolit.

Mësohet se edhe sot 56-vjeçari është parë në gjendje të rënduar nga konsumimi i alkoolit.

Ndërkohë, mësohet se sa herë grindej me bashkëshorten, e kërcënonte se do ta vriste. Çifti ishin prindër të katër fëmijëve, ndërsa kanë qenë pikërisht këta të fundit që kanë parë sot trupat e pajetë të tyre.