Vijon operacioni për arrestimin e Vangjush Dakos, ja ku gjendej ish-kreu i bashkisë së Durrësit kur u lëshua urdhër-arresti

SPAK ka urdhëruar sot arrestimin e ish-kreut të bashkisë së Durrësit Vangjush Dako, i dyshuar për “Shpërdorim detyre”.

Gazetarja Klodiana Lala ka raportuar se nga burime jo zyrtare mësohet se zoti Dako ka qenë në kryeqytet në momentin kur për të është lëshuar urdhër-arresti, ndërkohë që në Durrës forcat operacionale vijojnë punën për arrestimin e tij dhe të të paktën 5 ish-zyrtarëve të Urbanistikës të kësaj bashkie.

“Po vijon puna e forcave operacionale për arrestimin e Vangjush Dakos dhe 5 ish-zyrtarëve të bashkisë Durrës.

Ka zëra që Dako ishte në kryeqytet në momentin që është kërkuar urdhër-arresti ndaj tij.

Mbetet për tu parë nëse ai do të vetë-dorëzohet”, ka deklaruar Lala.