Vdekja e parakohshme e gjyqtarit nga Kavaja, Gjykata e Lartë: Trishtoi kolegët, miqtë dhe bashkëpunëtorët

Një ditë më parë, ndërroi jetë gjyqtari nga Kavaja Durim Kadiu, si pasojë e Covid-19. Nga kjo ngjarja, ka ardhur një reagim nga Gjykata e Lartë, që shprehu ngushëllime për të ndjerin.

"Gjykata e Lartë shpreh ngushëllimet për ndarjen e parakohshme nga jeta të kolegut Durim Kadiu. Z. Kadiu ka ushtruar detyrën e gjyqtarit prej vitit 1994, ka drejtuar Gjykatën e Rrethit Gjyqësor Kavajë, Kabinetin e Kryetarit të Gjykatës Kushtetuese dhe vitet e fundit ka punuar si ndihmësmagjistrat në Gjykatën e Lartë. Ndarja e tij nga jeta, ka trishtuar shumë bashkëpunëtorë të tij, kolegë e miq në Gjykatën e Lartë.

Me anë të këtij mesazhi, dëshirojmë të shprehim edhe një herë falenderimet tona si gjykatë, për mundësinë që na u dha, për të patur pranë nesh, gjatë gjithë këtyre viteve, një bashkëpunëtor profesionist dhe të përkushtuar si Durim Kadiu dhe njëkohësisht i shprehim ngushëllimet më të sinqerta familjes", shkruan Gjykata e Lartë në Facebook.