Vajza e mitur i mbeti shtatzënë pas marrëdhënies me 23-vjeçarin/ Flet i ati: Mos i ndodhtë askujt kjo

Një ngjarje e rëndë tronditi opinionin publik javën që kaloi ku një 12-vjeçare mbeti shtatzënë pas marrëdhënies që pati me një 23-vjeçar nga Mallakastra.

Ngjarja ka ndodhur disa muaj më parë kur 23-vjeçari me iniciale B.L. ka pasur raporte intime me 12-vjeçaren nga qyteti i Përmetit. Kontakti seksual ka shfaqur tek minorenia shqetësime në trup.

Menjëherë ajo ka lajmëruar të atin që e kishte në Greqi pasi prindërit i ka në emigracion dhe vetë jeton me gjyshen.

I ati e ka çuar të bijën 12-vjeçare për kontroll ne spitalin e Përmetit e aty ka mësuar se minorenia ka qenë shtatzënë në muajin e dytë.

Vetë fëmija ka treguar emrin e personit që kishte pasur raporte me të e më pas Policia e Përmetit ka bërë arrestimin e tij.

Për këtë ngjarje ka folur ekskluzivisht për emisionin “Shqipëria Live” në Top Channel, babai i 12-vjeçares.

“Vajza në gjendje të mirë fizike dhe psikologjike, e mora dje nga policia

Janë të vërteta. Ka qenë me një djalë në Tiranë. Kjo që më ndodhi mua, mos i ndodhtë askujt, mosha është shumë delikate. Po të ishte moshë më e madhe le të shkonte ku të donte,” tha i ati.