FOTO/ U qëllua me armë zjarri, ky është 33-vjeçari që u plagos në Vlorë

Tonin Ramaj mbeti i plagosur mesditën e sotme në Vlorë. 33-vjeçari u qëllua me armë zjarri në një lokal në lagjen “Pavarësia”.

Vlorë/Informacion paraprak

Sot rreth orës 12:25, në lagjen “Pavarsia 3”, dyshohet se në rrethana ende të paqarta, është plagosur me armë zjarri shtetasi T. R (H), 33 vjeç, banues në Vlorë, i cili ndodhet nën kujdesin e mjekëve.

Shërbimet e Policisë kanë shkuar menjëherë në vendngjarje, kanë rrethuar zonën dhe vijon krehja e saj për kapjen e autorit.

Grupi hetimor vijon punën për zbardhjen e rrethanave të ngjarjes dhe fiksimin e çdo prove materiale që do çojë në identifikimin dhe kapjen e autorit./BW