Akuzohet për kanosje të gjyqtares Anila Karanxha, gjykata lë në burg 39-vjeçarin në Tiranë

Gjykata e Tiranës ka lënë në burg shtetasin Andri Leka. Kujtojmë se ky i fundit u arrestua dy ditë më parë, pasi akuzohet për kanosje të një gjyqtareje në kryeqytet. Bëhet fjalë për Anila Karanxha, e cila aktualisht është pajisur me urdhër-mbrojtje, ndërsa ngjarja në fjalë është regjistruar disa kohë më parë.

Ditën e arrestimit, Leka ka provuar disa mënyra për t'i shpëtuar arrestimit nga policia, mes të cilave edhe shtirja si i sëmurë, duke u shtrirë në tokë.