Turkish Airlines merr vendimin! Nxjerr në shitje të gjitha aksionet në Air Albania

Turkish Airlines ka vendosur të shesë të gjithë pjesën e saj prej 49% të aksioneve që ka në Air Albania SHPK, linjën ajrore kombëtare të Shqipërisë.

Lajmin e ka konfirmuar të mërkurën, më 19 nëntor, vetë bordi drejtues i “THY”-së. Siç shkruan media turke Haberler.com, Turkish Airlines (THY) “ka bërë një lëvizje të rëndësishme duke vendosur të shesë të gjitha aksionet e saj në kompaninë ajrore Air Albania SHPK”.

Në njoftimin e kompanisë thuhet: “Bordi ynë Drejtues ka vendosur të shesë të gjitha aksionet në Air Albania SHPK, ku kompania jonë ka një pjesëmarrje prej 49%. Zhvillime të rëndësishme lidhur me këtë çështje do të ndahen me investitorët tanë.”