Tentoi të hynte në Shqipëri me 240 mijë euro të padeklaruara, e pëson 36-vjeçari në Rinas

Një 36- vjeçar me iniciale G. S. banues në Krujë, tentoi të hynte në Shqipëri me 240 mijë euro të padeklaruara.

Për këtë rast, u referuan materialet në Prokurori, ku nisi procedimi në gjendje të lirë për 36 vjeçarin.

NJOFTIMI

Rinas/ Tentoi të hynte në Republikën e Shqipërisë me 240 000 euro të padeklaruara, procedohet penalisht 36-vjeçari.

Sekuestrohen 240 000 euro.

Si rezultat i kontrolleve të imtësishme në hyrje/dalje të vendit, me pajisje bashkëkohore, detektuese, analizës së riskut, intervistimit të thelluar, verifikimeve të detajuara të dokumenteve të udhëtimit, me objektiv parandalimin dhe konstatimin e paligjshmërive në kufi, shërbimet e Policisë Kufitare të Rinasit kanë goditur një tjetër rast të mosdeklarimit në pikën e kalimit kufitar, të shumave të konsiderueshme të parave.

Për këtë rast, u referuan materialet në Prokurori, ku nisi procedimi në gjendje të lirë për shtetasin G. S., 36 vjeç, banues në Krujë, të cilit gjatë kontrollit në vijën e dytë, iu gjetën 240 000 euro që synonte t’i fuste në Republikën e Shqipërisë, pa i deklaruar konform ligjit.

Materialet procedurale iu referuan Prokurorisë së Tiranës, për veprime të mëtejshme.