Tatimi për profesionet e lira, Gjykata Kushtetuese jep sot vendimin

Aktualitet

Tatimi për profesionet e lira, Gjykata Kushtetuese jep sot vendimin
Gjykata Kushtetuese do të vendos sot në lidhje me kërkesat e bëra pranë saj për shfuqizimin e ligjit për tatimin e profesioneve të lira. 

Partia Demokratike, ekspertët e licencuar, kontabilistët dhe avokatët, (kërkesat e të cilëve u bashkuan në një të vetme) kërkojnë shfuqizim e pjesshëm të ligjit me argumentin se është diskriminues, rëndon shtresën e mesme dhe nuk është në përputhje me Kushtetutën.

Sipas ankuesve tatimi i profesionistëve ka mbyllur qindra biznese, cenon sigurinë e bizneseve dhe do të shtrenjtojë shërbimet që ofrojnë.

Në parashtrimin e argumenteve më 18 qershor, palët paditëse kanë sqaruar se nuk mund të krahasohen profesionistët e lirë me bizneset tregtare pasi nuk e kanë të garantuar fitimin.

Ndërsa Kuvendi, Këshilli i Ministrave dhe Ministria e Financave u shprehën se pretendimet e tyre janë të pabazuara, pasi favorizimet në taksa nuk mund të zgjasin përjetë dhe se me këto ndryshime shmangen abuzimet.

Janë 25 mijë profesionistë sipas tatimeve që preken nga ligji i ri hyri në fuqi më 1 janar të këtij viti dhe nga tatimi me fasha 15% kush ka fitim deri 14 milionë lekë dhe 23% kush fiton mbi këtë shumë.

ME TE LEXUARAT

NA SHKRUAJ

Portali Lajmifundit sjell Lajme nga Shqipëria, rajoni dhe bota në kohë rekord. Ju lutemi na kontaktoni nëse doni të kontribuoni me informacione të vlefshme për publikim në portalin tonë.

Kliko për më shumë informacion