Sot zgjedhjet, Edi Rama: Të tregojmë se përtej bindjeve, për ne është Shqipëria

Kryeministri Edi Rama e ka nisur mëngjesin e sotëm me një mesazh kushtuar të gjithë Shqipërisë, për të drejtën e votës. Kreu i qeverisë kërkon që të respektohet vota e lirë, e fshehtë, duke theksuar se më e rëndësishme se bindja politike, është Shqipëria.

“MIRËMËNGJES

le ta tregojmë sot të gjithë së bashku, se përtej partive e dasive për ne është Shqipëria dhe le t'i shprehim bindjet e ndryshme me votë, por duke e respektuar Shqipërinë me mirësjellje shembullore ndaj njëri-tjetrit, në këtë ditë të shënuar të bashkëjetesës sonë demokratike, ku çdonjëri duhet ta gëzojë i patrazuar të drejtën e votës së lirë e të fshehtë, e prej ku Shqipëria duhet të dalë kryelartë për ne të gjithë”, shkruan Rama