Shkelën rregullat e qarkullimit rrugor, arrestohen 4 persona

Aktualitet

Shkelën rregullat e qarkullimit rrugor, arrestohen 4 persona

Policët e qarkullimit rrugor kanë arrestuar 4 persona, për vepra të ndryshme penale. Policia e Tiranës njofton se një 42-vjeçar akuzohet se qarkullonte makinnë me leje drejtimi të falsifikuar. Në pranga kanë rënë një 41 dhe 19-vjeçar pasi drejtonin makinën në gjendje të dehur. Sipas policisë është arrestuar edhe një 64-vjeçar, pasi në gjendje të dehur është përfshirë në një aksident, pa dëme në njerëz.

“Specialistët e Seksionit për Hetimin e Krimit Ekonomik dhe Financiar bënë arrestimin në flagrancë të shtetasit R. V., 42 vjeç, pasi në rrugën e Kavajës, u kap nga shërbimet e Qarkullimit Rrugor, duke drejtuar mjetin me leje drejtimi të dyshuar e falsifikuar.

Nga specialistët e Qarkullimit Rrugor u bë arrestimi në flagrancë i shtetasve : E. C., 41 vjeç dhe E. F., 19 vjeç, pasi u kapën duke drejtuar mjetet përkatëse në gjendje të dehur ;

T. N., 64 vjeç, pasi duke drejtuar mjetin në gjendje të dehur është përfshirë në një aksident me mjetin me drejtues I. K. Si pasojë është dëmtuar shtetasi T. N., i cili ndodhet në spital, nën kujdesin e mjekëve.

Materialet i kaluan Prokurorisë së Rrethit Gjyqësor Tiranë, për veprime të mëtejshme”, njofton policia.

ME TE LEXUARAT

NA SHKRUAJ

Portali Lajmifundit sjell Lajme nga Shqipëria, rajoni dhe bota në kohë rekord. Ju lutemi na kontaktoni nëse doni të kontribuoni me informacione të vlefshme për publikim në portalin tonë.

Kliko për më shumë informacion