Sherr me thika në Vlorë, plagosen 2 persona

Dy persona janë konfliktuar pasditen e kësa të marte me mjete prerëse në Vlorë. Mësohet se ngjarja ka ndodhur në lagjen "24 maji" dhe të plagosur kanë mbetur shtetasit Kujtim Saliaj 63-vjeç dhe Jetnor Hoxha- 48 vjeç të dy banues në Vlorë.

Vlorë/Informacion paraprak 

Më datë 12.10.2021, rreth orës 19:00, në lagjen “24 Maji”, dyshohet se për motive të dobëta, janë konfliktuar me mjete prerëse me njeri-tjetrin shtetasit K. S., 63 dhe J. H., 48 vjeç të dy banues në Vlorë.

Si pasojë janë dëmtuar të dy këta shtetas, të cilët ndodhen në Spitalin e Vlorës, nën kujdesin e mjekëve.

Grupi hetimor ndodhet në vendngjarje dhe po punon për sqarimin e plotë të rrethanave të ngjarjes.