Sherr me thika mes të rinjve në Fier, plagoset 30-vjeçari, policia në kërkim të autorit

Një sherr me thika është regjistruar ditën e sotme në Fier, rreth orës 16:00, në lagjen "Konferenca e Pezës".

Sipas burimeve nga policia, shtetasi A.R ka goditur për motive të dobëta me thikë 30-vjeçarin, K.D. Policia është në kërkim të autorit dhe vijon krehja e zonës për kapjen e tij. 

"Goditi me mjet prerës një shtetas, identifikohet dhe shpallet në kërkim autori.

Sot rreth orës 16:00, në lagjen "Konferenca e Pezës", Fier, shtetasi A. R., dyshohet se për motive të dobëta ka goditur me mjet prerës(thikë) shtetasin K. D., rreth 30 vjeç, i cili ndodhet në spitalin e Fierit nën kujdesin e mjekëve.

Shërbimet e Policisë kanë shkuar në vendngjarje dhe vijon krehja e zonës për kapjen e autorit. Grupi hetimor ndodhet në vendngjarje dhe vijon puna për sqarimin dhe zbardhjen e rrethanave të ngjarjes."-njofton policia.