Rritet RREZIKU i përmbytjeve! Çahet sërish argjinatura e Lagunës së Kune Vainit

Vetëm një javë pas mbylljes, argjinatura e Lagunës së Kune Vainit është çarë sërish. Dëmtimi ka ndodhur disa metra mbi çarjen e mëparshme, duke rritur rrezikun e përmbytjeve në zonë.

Pak ditë më parë, argjinatura pësoi dëmtime për shkak të reshjeve të dendura, duke përmbytur disa banesa dhe duke rrethuar me ujë të tjera, raporton korrespondentja e Top Channel. Brixhilda Deda.

Po ashtu, nën ujë u gjendën edhe toka bujqësore, duke shkaktuar dëme të konsiderueshme. Autoritetet lokale janë në terren ku ka filluar serish ndërhyrja.