19-vjeçari i bën “gangsterin” Policisë, me armë në brez tenton te arratiset

Aktualitet

19-vjeçari i bën “gangsterin” Policisë, me

Në një operacion të mirëorganizuar të Policisë së Tiranës, i koduar “Golden Gun”, është finalizuar me sukses arrestimi i një 19-vjeçari që qarkullonte i armatosur me pistoletë.

Shtetasi A. T., banues në Zall Mner, u kap dhe u arrestua në flagrancë, pasi tentoi të largohej me automjet kur iu bë shenjë ndalimi nga shërbimet e policisë.

Operacioni i ndërmarrë nga shërbimet e Komisariatit të Policisë Nr. 5 u bazua në informacione inteligjente që treguan se një individ po qarkullonte i armatosur me pistoletë.

Pas lokalizimit të automjetit të tij në Kamëz, i riu nuk iu bind urdhrit të policisë dhe tentoi të largohej me shpejtësi. Megjithatë, falë veprimeve të shpejta dhe profesionale të forcave të rendit, ai u kap dhe u arrestua.

Gjatë kontrollit të automjetit, policia gjeti një pistoletë dhe municion, të cilat u sekuestruan si prova materiale, së bashku me automjetin e 19-vjeçarit.

Materialet janë referuar në Prokurorinë e Tiranës, e cila po kryen veprimet e mëtejshme ligjore për këtë rast.

ME TE LEXUARAT

NA SHKRUAJ

Portali Lajmifundit sjell Lajme nga Shqipëria, rajoni dhe bota në kohë rekord. Ju lutemi na kontaktoni nëse doni të kontribuoni me informacione të vlefshme për publikim në portalin tonë.

Kliko për më shumë informacion