Nuk i shpëtuan syrit të policisë rrugore, arrestohen 2 persona

Policia rrugore ka vënë në pranga 2 persona, të akuzuar për vepra të ndryshme penale. Sipas bluve, ka rënë në pranga një 36-vjeçar, pasi nuk i bindur urdhërit të punonjësve të policisë për të bërë testin e alkoolit, ndërkohë që një 32-vjeçar ishte në gjendje të dehur.

“Specialistët e Qarkullimit Rrugor bënë arrestimin në flagrancë të shtetasve: B. M., 36 vjeç, pasi nuk i është bindur urdhërit të punonjësve të policisë për të bërë testin e alkoolit; V. M., 32 vjeç, pasi drejtonte mjetin në gjendje të dehur; Materialet i kaluan Prokurorisë pranë Gjykatës së Shkallës së Parë Tiranë, për veprime të mëtejshme”, njofton policia.