Sherr në BBVK 5/ Akili përplaset me Bejtën gjatë natës, ndërhyjnë banorët

Një debat i ashpër ka ndodhur gjatë natës në shtëpinë e “Big Brother VIP Kosova 5”, ku Akili dhe Bejta janë përfshirë në një përplasje që ka kërkuar ndërhyrjen e banorëve të tjerë.

Gjithçka nisi në dhomën e gjumit, pasi Bejta u shqetësua nga zhurma që po shkaktonte Akili, duke pretenduar se ky i fundit nuk po e linte të flinte.

Situata u tensionua shpejt, ndërsa dy konkurrentët nisën të debatonin me tone gjithnjë e më të larta, pavarësisht se pjesa tjetër e banorëve po përpiqej të pushonte.

 Në pamjet e publikuara, Akili dhe Bejta shihen teksa përballen me njëri-tjetrin në pjesën e sipërme të dhomës së gjumit, duke shkëmbyer fjalë me tone të ashpra.

Debati nuk mbeti vetëm verbal, pasi në një moment mes tyre pati edhe shtyrje, duke bërë që banorët e tjerë të ndërhynin menjëherë për t’i ndarë dhe për të parandaluar përshkallëzimin e mëtejshëm të situatës.

Pas ndërhyrjes së tyre, përplasja mes dy konkurrentëve u ndërpre, megjithëse tensioni i krijuar ishte i dukshëm.

Ngjarja ka ndodhur në një moment kur banorët po përgatiteshin të flinin, ndërsa shkak i konfliktit është bërë pikërisht shqetësimi për zhurmën gjatë natës.

Mbetet për t’u parë nëse produksioni i “Big Brother VIP Kosova 5” do ta trajtojë këtë incident gjatë spektaklit të ardhshëm dhe nëse do të ketë ndonjë masë ndaj konkurrentëve të përfshirë.