Drogë, vjedhje dhe dhunë në familje, policia e Tiranës arreston 3 të rinjtë, njëri prej tyre në kërkim

Policia e Tiranës ka vënë në pranga 3 persona, të akuzuar për vepra të ndryshme penale. Blutë bëjnë me dije se ka rënë në pranga një 18-vjeçar, pasi iu gjet lëndë narkotike gjatë kontrollit fizik. Në pranga ka rënë një 19-vjeçar, nën akuzën e vjedhjes. Ndërsa është prangosur edhe një 27-vjeçar, akuzuar për dhunë në familje, i shpallur në kërkim.

“Specialistët për Hetimin e Narkotikëve bënë arrestimin në flagrancë të shtetasit B. K., 18 vjeç, pasi në rrugën “Reshit Petrela”, gjatë kontrollit fizikt të ushtruar nga punonjësit e policisë të Komisariatit të Policisë Nr. 3, iu gjet dhe iu sekuestrua në cilësinë e provës materiale një sasi me lëndë narkotike kanabis.

Nga specialistët për Hetimin e Krimit në Komisariatin e Policisë Nr.1 u bë arrestimi në flagrancë i shtetasit A. B., 19 vjeç, pasi i ka vjedhur telefonin shtetases J. A.

Nga specialistët për Hetimin e Krimit në Komisariatin e Policisë Nr.6 u bë ndalimi i shtetasit J. L., 27 vjeç, i shpallur në kërkim për veprën penale "Dhuna në familje"”, njofton policia.