Lëkundje tërmeti në Shqipëri, ja magnituda dhe epiqendra

Një tërmet me magnitudë 3.9 të shkallës Rihter është regjistruar mëngjesin e sotëm në Shqipëri. Lëkundjet janë ndjerë në të gjithë zonën qendrore të vendit.

Sipas të dhënave paraprake, epiqendra e tërmetit ka qenë Belshi dhe fshati Rrasë në Elbasan. Lëkundjet janë regjistruar në një thellësi prej 10 dhe 19 kilometrash, raporton IGJEUM.

Fatmirësisht nuk raportohet për dëme materiale apo persona të lënduar.