Kërcënoi fqinjin dhe qëlloi me armë zjarri, arrestohet 30-vjeçari dhe babai i tij në Fier

Një ngjarje me pasoja për jetën është parandaluar ditën e sotme.

Policia e Fierit bën me dije se ka vënë në pranga 30-vjeçarin F.(I). Z., banues në Mbrostar Ura Fier, pasi ka qëlluar në ajër dhe më pas ka kanosur me armë zjarri fqinjin e tij 55-vjeçarin M.K.

Sipas policisë në pranga ka rënë edhe babai i 30-vjeçarit, 59-vjeçari P.Z., i cili mbante pa leje armë zjarri pistoletë.

Gjithashtu nga uniformat blu janë sekuestruar një armë zjarri automatik, një pistoletë dhe një krëhër me 18 fishkë.