“Je fajtor për zjarrin”, flakët që përfshinë tregun tek “5 Maji”, sherr mes tregtarit dhe përgjegjësit! Ndërhyn policia

Një incident mes  një tregtari dhe përgjegjësit të tregut ka ndodhur në zonën e “5 Majit” në Tiranë, aty ku edhe një ditë më parë ra zjarri i madh duke shkaktuar dëme të konsiderueshme.

Mësohet se tregtari ka akuzuar përgjegjësin se është fajtor për rënien e zjarrit.

Kjo ka detyruar policinë të ndërhyjë dhe ta shoqërojë tregtarin në komisariat.

Ndërkohë mësohet se nga zjarri janë djegur 2 kapanonë me më shumë se 100 magazina, me një sipërfaqe totale rreth 10 mijë metër katror.

Zjarri dyshohet se është shfaqur nga kabulli elektrik diku në mesin e kapanonit.

Nga pamjet e kamerave të sigurisë shfaqen flakët, të cilat, sipas ekspertëve, paraprakisht dyshohen prej elektricitetit, prej ngjyrës karakteristike.