Ja për cilin pallat shkoi në burg Vangjush Dako dhe zyrtarët e Bashkisë Durrës

Në foton e mësipërme është pallati "Tod Trungu" në qendër të Durrësit, leja e të cilit çoi në pranga ish-kryebashkiakun Vangjush Dako, ndërtuesin dhe disa ish-zyrtarë të tjerë të Bashkisë së Durrësit.

SPAK ka gjetur shkelje në lejen e ndërtimit të dhënë 11 vite më parë gjatë drejtimit të bashkisë nga Vangjush Dako.  Ky i fundit dhe disa ish zyrtarë të tjerë të drejtorisë së Urbanistikës akuzohen për shpërdorim detyre dhe falsifikim dokumentesh.

Ndërtuesi i atij pallati i cili është vënë në pranga është shtetasi Fiqiri Farruku. Pallati pësoi dëmtime pas tërmetit të nëntorit të vitit 2019.

Pas hetimeve të nisura nga SPAK një vit më parë, u gjetën shkelje nga ana e ish kryebashkiakut Vangjush Dako dhe disa prej ish zyrtarëve të tjerë.

Mësohet se për 5 ish-zyrtarë, Vangjush Dakon dhe biznesmenin Fiqiri Farruku është caktuar masa e sigurisë "arrest me burg", ndërsa për tre gra, ish-zyrtare, është caktuar masa e sigurisë "arrest shtëpie".

Dako akuzohet dhe për korrupsion në lidhje me një tender.