Digjet një automjet te mbikalimi i Selitës, trafik i rënduar në Tiranë

Një automjet ka marrë flakë në zonën e Mbikalimi i Selitës, duke shkaktuar panik dhe bllokim të qarkullimit.

Sipas informacioneve paraprake, ende nuk dihet nëse ka persona të lënduar. Në vendngjarje kanë mbërritur forcat zjarrfikëse, të cilat po punojnë për shuarjen e flakëve dhe vënien nën kontroll të situatës.

Ndërkohë, incidenti ka krijuar një radhë të gjatë automjetesh dhe trafik të rënduar në këtë segment rrugor.