Akuzohet për dhunë në familje, arrestohet 35-vjeçari në Durrës

Policia e Durrësit njoftoi mëngjesin e sotëm se ka arrestuar një 35-vjeçar, i akuzuar për dhunë në familje. Sipas njoftimit, shtetas E.B, ushtroi dhunë fizike ndaj bashkëshortes së tij.

“Arrestohet në flagrancë një 35-vjeçar, për veprën penale "Dhuna në familje". Nga specialistët për Hetimin e Krimeve në Komisariatin e Policisë Durrës u arrestua në flagrancë shtetasi E. B., 35 vjeç, banues në Durrës, pasi ka ushtruar dhunë fizike ndaj bashkëshortes së tij. Materialet i kaluan Prokurorisë së Rrethit Gjyqësor Durrës, për veprime të mëtejshme”, njofton policia.