Aksident tragjik në aksin Shkodër – Hani i Hotit, vdesin babë e bir

Dy automjete janë përplasur pasditen e sotme, në afërsi të kryqëzimit të Koplikut, në aksin Shkodër-Han i Hotit.

Policia bën me dije se aksidenti ka ndodhur rreth orës 18:20, ku automjeti me drejtues Valentin Bluda, rreth 32 vjeç, dyshohet se ka humbur kontrollin mbi drejtimin e automjetit dhe është përplasur me një reklamë në rrugë.

Si pasojë e aksidentit, kanë humbur jetën në vendngjarje drejtuesi i mjetit dhe babai i tij, shtetasi Nikoll Bluda, 76 vjeç, pasagjer në automjet.

Grupi hetimor po punon për sqarimin e rrethanave të aksidentit.