Aksident në Levan-Tepelenë, makina përplas nga mbrapa automjetin e tonazhit të rëndë, plagosen burrë e grua

Njé aksident ka ndodhur mbrëmjen e kësaj të diele në autostradën Levan-Tepelenë, në vendin e quajtur “Kthesa e Fratarit”.

Një çift burrë e grua nga Tepelena si pasojë e përplasjes kanë mbetur të plagosur.

Sipas burimeve paraprake, çifti po udhëtonte drejt Tepelenës kur ka goditur nga prapa një automjet të tonazhit të rëndë, i cili kishte ndalur në rrugë për shkak të një defekti në motor.

Goditja ka qënë e fortë ndërsa të dy janë plagosur. Për momentin ata janë përcjellë në Qendren spitalore të qytezës së Fratarit e cila ndodhet 500 m larg vendngjarjes ndërsa në vendngjarje ka mbërritur edhe policia.