Zjarret në Los Angeles shtyjnë për herë të dytë nominimet për Oscar

Çmimet Oscar kanë zgjatur periudhën e votimit dhe nominimeve dhe kanë riplanifikuar ngjarjet kryesore për shkak të zjarreve të vazhdueshme në Los Anxhelos. Votimi, i caktuar fillimisht për të përfunduar më 12 janar, tani do të zgjasë deri më 17 janar, ndërsa nominimet do të shpallen më 23 janar gjatë një ngjarjeje virtuale.

Nominimet për çmimet më të rëndësishme të industrisë së filmit do të shpallen më 23 janar. Ato fillimisht ishin caktuar për në 19 janar.

“Për shkak të zjarreve ende aktive në zonën e Los Angelesit, ne mendojmë se është e nevojshme të zgjasim periudhën tonë të votimit dhe të zhvendosim datën e shpalljes së nominimeve për të lejuar kohë shtesë për anëtarët tanë”, thuhet në një deklaratë të Akademisë së Filmit.

Dreka vjetore e të nominuarve për Oscar, e caktuar për në 10 shkurt, është anuluar dhe Çmimet Shkencore dhe Teknike, të planifikuara për në 18 shkurt, janë shtyrë. Akademia gjithashtu dhuroi 750,000 dollarë për Fondin e Filmit dhe Televizionit për të ndihmuar të prekurit nga zjarret.