Drogë dhe drejtim makine në gjendje të dehur, arrestohen 3 persona në Tiranë

Policia e Tiranës ka vënë në pranga 3 persona, të akuzuar për vepra të ndryshme penale. Në njoftim, blutë kanë bërë me dije se kanë vënë në pranga një 27-vjeçar, pasi iu gjetën në banesë një sasi e dyshuar kanabisi, e ndarë në dozë, gati për shitje.

Policia ka vënë në pranga një 59-vjeçar, pasi në gjendje të dehur ka drejtuar makinën dhe për pasojë është përfshirë në aksident rrugor. Blutë kanë arrestuar edhe një 22-vjeçare, e cila pa leje drejtimi, ka marrë makinën dhe ka humbur kontrollin, duke u përplasur me trafikndarësen

“Bien në prangat e policisë 4 shtetas, për vepra të ndryshme penale. Specialistët për Hetimin e Narkotikëve bënë arrestimin në flagrancë të shtetasit S. G., 27 vjeç, pasi nga kontrolli i ushtruar nga sherbimet e Komisariatit të Policisë Nr.2 iu gjet dhe iu sekuestrua një sasi me lëndë të dyshuar narkotike kanabisi, e ndarë në doza gati për shitje dhe një mjet prerës (thikë).

Specialistët e Qarkullimit Rrugor bënë arrestimin në flagrancë të shtetasve : P. G., 59 vjeç, pasi duke drejtuar mjetin në gjendje të dehur është përfshirë në një aksident vetëm me dëme materiale ;

M. N., 22 vjeçe, pasi duke drejtuar mjetin pa lejen përkatëse, ka humbur kontrollin e tij dhe është përplasur me trafikndarëse, duke marrë dëmtime të lehta. Materialet i kaluan Prokurorisë së Rrethit Gjyqësor Tiranë, për veprime të mëtejshme”, njofton policia.