Adi Hila rrezikon deri në 7 vite burg / Avokatja: Ja çfarë rrezikojnë ata që i shpërndajnë videot në rrjetet sociale

Aktualitet

Adi Hila rrezikon deri në 7 vite burg / Avokatja: Ja çfarë

Skandali i publikimit të videove intime vijon të jetë në qendër të diskutimeve publike. Në emisionin “News24 Fundjavë”, të moderuar nga Megi Latifi, u trajtua edhe aspekti ligjor i publikimit dhe shpërndarjes së videove intime të kompozitorit Adi Hila, ku janë përfshirë edhe persona të njohur të showbizit shqiptar.

Avokatja Drita Avdyli tha se ruajtja, shpërndarja dhe rishpërndarja e materialeve intime pa pëlqimin e personave të përfshirë përbën vepër penale.

“Ruajtja, shpërndarja dhe rishpërndarja në WhatsApp është vepër penale, pasi nuk është marrë pëlqimi i palëve”, u shpreh Avdyli.

Sipas saj, policia ka strukturat e krimit kibernetik dhe hetuesit mund të identifikojnë personat që kanë kryer shpërndarjen e materialeve. Ajo theksoi se verifikimi i shpërndarjes në grupe WhatsApp apo në rrjete sociale mund të bëhet përmes kërkesave zyrtare të autoriteteve.

 “Policia ka policinë kriminale për të gjetur kush e ka bërë shpërndarjen e videove. Shpërndarja nga grupet WhatsApp apo rrjetet sociale mund të kërkohet me një kërkesë zyrtare nga policia”, tha avokatja.

Drita Avdyli nënvizoi se, në rastin konkret, përgjegjësia penale lidhet me veprimet e filmimit, ruajtjes dhe më pas shpërndarjes së materialeve intime pa pëlqim.

Sa i përket masës së dënimit, avokatja deklaroi se dënimet mund të variojnë nga 3 deri në 5 vite burg, ndërsa në rrethana të caktuara, sipas saj, dënimi mund të shkojë deri në 7 vite, duke e lidhur këtë me përsëritjen e veprës.

ME TE LEXUARAT

NA SHKRUAJ

Portali Lajmifundit sjell Lajme nga Shqipëria, rajoni dhe bota në kohë rekord. Ju lutemi na kontaktoni nëse doni të kontribuoni me informacione të vlefshme për publikim në portalin tonë.

Kliko për më shumë informacion