A ke kaluar nga zyra e Ergysit për t’u bërë deputete? Me kë e ka? Berisha nuk kursehet me pyetjet në Kuvend

Kreu i Partisë Demokratike Sali Berisha ka ngritur akzua të frota në Kuvend ndaj deputetëve dhe ministrave të mazhorancës.

Nga foltorja, Berisha i është drejtuar ministres së Shtetit për Marrëdhëniet me Parlamentin, Erjona Ismaili, duke e pyetur nëse ka ndikuar Ergys Agasi që ajo të bëhej deputete.

“Po si mundet ju të qëndroni indiferentë apo të recitoni si parafolësja në aktin më skandaloz në historinë e NATO-s, në aktin më skandaloz në historinë e një shteti të Evropës? Dhe ju bëni sikur nuk ka ndodhur gjë në papërgjegjshmëri të plotë.

Për ju kam vetëm një pyetje: Keni kaluar ju zonjë nga zyra e Ergysit? Të ka shërbyer ajo zyrë për t’u ngjitur si deputete në parlament apo jo? Sepse këtu deputetët e Kodrës së Kuajve janë këtu në parlament.

Por kjo zonja ka kaluar nga zyra e Agasit apo jo? Për këtë përgjigju këtu! Pra, kjo është një ditë turpi mo? Po si ka mundësi? Po ju e dini të gjithë.

Ndaj dhe është jetike të bëhet transparenca e plotë para qytetarëve shqiptare e këtij skandali botëror. A e dini ju ç’do të thotë kjo për Shqipërinë? Është goditja më fatale për reputacionin e saj. A e dini ç’do të thotë për një vend anëtar të NATO-s. Sigurisht, deputetët e Kodrës së Kuajve protestojnë. Jo, i shoh unë.”- tha Berisha.

Reagimi i Berishës erdhi pas Ismaili foli në Kuvend, duke akuzuar Berishën se kur ai ishte kryeministër, e përdorte SHISH për interesat e tij personale, duke kërcënuar e vrarë.
“Nuk harrojnë shqiptarët për të zezat që i janë bërë. SHISH u përmend shumë, por është një institucion që nga 90-ta e në vijim ka përfaqësuar rënien e shtetit me gjithë ngjarjet e zhvilluara, përveçse sot. Nuk e harrojnë SHIK shqiptarët kur ju jeni siguruar të lini plot fakte ndaj shqiptarëve për vajtjet që kanë kaluar ndaj jush. Nuk e harrojnë shqiptarët pushtetin e pakufijshëm të SHISH në duart e xhelatëve si Berisha, që dhunonte, përndiqte e vriste si polici e militarizuar fashiste e politike.

Si mund ta harrojnë shqiptarët SHISH-in e atëhershëm, as kur kryeministri urdhëronte policinë të mos zbatonte urdhrin e arrestit të një prej besnikëve, që ishte shpërblyer si drejtor tatimeshg. Si mund të harrohet SHIK-u i Gazidedes si drejtues në operacionin e 97-ës.

Si harrohet SHIK-u kur në 2012 Ilir Kumbaro u dënua me 15 vite burg për shkaktimin e vdekjes së Remzi Hoxhës. Ndihmove të arratiset nga Shqipëria në 97-ën ish-kreun e inteligjencës në Turqi dhe Siri. Aleanca e NATO në 2009-ën kufizoi aktivitetin e saj në Shqipëri për dokumentet sekrete dhe të energjisë bërthamore.”- deklaronte më herët ministrja Erjona Ismaili.